सरकारी वकील तथा कर्मचारीहरूका लागि अङ्ग्रेजी भाषाको प्रशिक्षण ।

samachar

2019-01-01

महान्यायाधिवक्ताको कार्यालयको आयोजना तथा NEPAL ENGLISH LANGUAGE TEACHERS’ ASSOCIATION (NELTA) को सहकार्यमा सरकारी वकील तथा कर्मचारीहरूका लागि अंग्रेजी भाषासम्बन्धी आधारभूत प्रशिक्षण २०७५ पौष १६ गते सोमबारदेखि सुरू भएको छ ।

प्रशिक्षण कार्यक्रमको नायब महान्यायाधिवक्ता श्री खगराज पौडेलज्यूले उद्‍घाटन गर्नुभयो । उद्‍घाटन मन्तव्य व्यक्त गर्दै नायब महान्यायाधिवक्ता पौडेलले यस अघि कानूनी विषयवस्तुमा प्रशिक्षण तथा तालिम प्रदान गरिदै आएकोमा सरकारी वकील तथा कर्मचारीहरूको व्यक्तित्व विकासका लागि प्रशिक्षण कार्यक्रम सञ्चालन गरिएको बताउनुभयो ।

NELTA का अध्यक्ष मोतिकला सुब्बा देवानले महान्यायाधिवक्ताको कार्यालयसँग सहकार्यको सुरूवात भएकोमा खुसी व्यक्त गर्दै आगामी दिनमा समेत सहकार्य गर्न इच्छुक रहेको बताउनुभयो । जम्मा २५ सरकारी वकील तथा कर्मचारीहरूको सहभागिता रहेको १२ कार्यदिनको प्रशिक्षण कार्यक्रम पौष २९ गतेसम्म सञ्चालन हुनेछ ।


संलग्न जोडिएका विवरणहरु

No Attachments